زجال وناظم اغانى اناشيدى ! بقلم المؤرخ و الباحث فى التراث وجيـــه نــــدى

.

زجال وناظم اغانى اناشيدى !
من ابرع الزجالين فى الساحه وناظمى الاغانى فى فترة الاربعينيات وكانت له شهرته فى الندوات الادبيه والشعريه \ مواليد 1 يوليو 1905 بمدينة شبين الكوم و قرية كفر شنوان بمحافظة المنوفيه بعد تلقى تعليمه الابتدائى اتجه الى كتابة الازجال و ايضا الاغنيات من خلال العديد من الاصدارات المكتبيه ومنهم كتاب ( اناشيدى ) وهو ديوان من الزجل و ايضا الاغانى والتى تغنى بها نجوم ونجمات و اصوات الاذاعه منذ موسم 1948– وكان وجود الفنان عبد الفتاح شلبى وسط كوكبه شهيره على الساحه من مؤلفى وشعراء ومنهم بديع خيرى و بيرم التونسى ومامون الشناوى وعبد العزيز سلام و يوسف بدروس و محمود فهمى ابراهيم و عبد اللطيف البسيونى و حسن ابو عتمان ورزق حسن واسماعيل جبر و ابراهيم كامل رفعت و ادوار سليمان و عبد السلام بدر و على الشيرازى و صالح جودت و مصطفى عبد الرحمن و حسين السيد و زين العابدين عبد الله و محمود الكمشوشى و انور عبد الله و رشدى عبد الرحمن و احمد السمره و فتحى قوره و غيرهم ما دفعه الى تقديم اعمال لنجوم ونجمات الطرب و اتعمق عزيزى القارئ لكل محبى فنون الاستاذ عبد الفتاح شلبى فى ديوانه وادون ما هو فيه من درر ومن تلك الدرر والمعاناه فى حياة الشاعر عبد الفتاح شلبى ان تم القبض عليه والزج به فى السجون فى عصر تولى صدقى باشا الوزاره و تحت عنوان ( معجزه ) كتب – احنا فى خيال و الا ف منام – ابو السباع لف ورجع – سبحان من يحيى العظام – تتخض ليه او تنفجع – دااحنا فى زمان المعجزات \ و عندما كرمه الرب بطفل اطلق عليه ( محمد ) ربنا من كرمه اجاب طلباتى ونلت اللى اتمنيت – اهدانى بزوجه و جانى محمد خلانى اتهنيت - من فرحى بابنى بقيت م المغرب مااخرجش من البيت – و الصبح ابوسه و اخرج الاقى الخير قدامى طوفان – سبحانك ياالله ياكريم ياحنين ع الانسان \ وفى بداية ديوان اناشيد مجموعه كتابات واعمال دينيه وغنى منهم المطرب كارم محمود و قصيدة ( مولد النبى ) – يوم مولد رسول الله – الكون اتملا انوار – ياهناه اللى ربه هداه – لحبيبه النبى المختار – اللهم صلى عليه \ وغنى من قصائده المنشد السيد فرج السيد ( وحى الهجره ) يارب اشكى اليك ياحى ياقهار – ياناصر الحق يا سامع دعا الاطهار – انصفنى يارب م الظالم وم الغدار – اليوم ده يوم مفترج يارب له اسرار – زى النهارده حبيبك سيد الابرار – طه محمد نبينا المصطفى المختار \ وغنى محمد الكحلاوى للعام الهجرى هاجر فى اول محرم سيد الابرار – وراح دخل ع المدينه تسبقه الانوار طلعوا مواكب مواكب كلهم انصار \ و غنى من كلماته المطرب عباس البليدى ( المسحراتى ) قوم اتسحر يا صايم قوم سمى باسم الله – وحد مولانا الدايم ياهناه اللى ما ينساه – قوم اتسحر يا صايم \ و غنى من كلماته المطرب والملحن احمد عبد القادر ( فرحة العيد ) و غنت المطربه شافيه احمد فرحة الحجاج من الحان سيد مصطفى \ وغنى المطرب اللبنانى محمد البكار لعيد الاضحى ومن الحان سيد مصطفى \ وغنى الفنان الشامل سيد مصطفى وداع العام الهجرى – مودعك و قلوبنا معاك – يا عشره غاليه يا اسعد عام – دا مستحيل يجى يوم ننساك – او ننسى فضلك ع الاسلام – يا عامنا الهجرى \ و غنى الخفيف عبد الحميد زكى الهلال الاحمر من الحان مصلح الحريرى \ وغنت الخفيفه فتحيه محمود الدنيا بخيرها من الحان سيد مصطفى و تغنى – الدنيا بخيرها –ياللى الحياه تعباك الدنيا لسه بخيرها – وان كان دى مش عاجباك ما تسيبها و تشوف غيرها مادام بتنكر خيرها \ وغنت المطربه بديعه صادق لحن عاشت اسامى من الحان محمود الشريف - لحن طمعنجى بناله بيت – فلسنجى سكن له فيه – طمعنجى عاوز نقديه فلسنجى منين يديه من لحن سيد مصطفى - ولحن الشكوى مسكين بنى ادم عايش خايف م الدنيا ومرعوش – و العمر ح يفلت منه اونطه و يطلع منها فاشوش و لحن هل تعلم من الحان سيد مصطفى و غنت ايضا ندرا عليه من الحان عزت الجاهلى \ و غنى اسماعيل يس لحن بردون من الحان سيد مصطفى بردون معلشى لا مواخذه – دول ايه لازمتهم ف الدنيا – هوسونى وربوا لى النغزه – صبحت عاديكم ما نيخوليا – بردون معلشى لا مواخذه \ و غنت المطربه نور الهدى دويتو مع محمد الكحلاوى سوق الحلاوه جبر و اتقمعوا الوحشين – يااهل العقول و النظر ابكوا على الحلوين \ وغنى كارم محمود موسم الحسن من تلحين خليل المصرى \ و غنت مجموعة مطربات الجامعه الشعبيه لحن العنب من الحان احمد عبد القادر العنب استوى يابنات – اقطفوا و اعملوا شربات – داالعنب استوى م الندى والهوى – العنب استوى يابنات \ و غنت امال حسين النيل السعيد من الحان احمد صبره \ و غنت ثريا حلمى لحن قدر ولطف – براغيت القنطره من الحان عزت الجاهلى \ و غنى المنولوجيست محمد الجنيدى ومن الحان عزت الجاهلى لحن العفريت \ و غنى محمود الشريف والحانه جمال الريف \ و غنى فايد محمد فايد ست البنات من الحان السكندرى البارع خليل المصرى يا مشرفه يا مسمسمه يا مقطفه – بين الصبايا مشرفه و مشنتفه ومحنتفه \ و غنى المطرب السكندرى الشهير محمد الصغير مهر البنيه من الحان خليل المصرى مهر البنيه كتير عليه- يابو العروسه ارحم شويه – انت مناسبنى وعايز اناسبك – ولا تحاسبنى ولا احاسبك – بلاش تجاره بنتك خساره – لما تحاربها ياطول هوانها – اكتب كتابها و اهى ف اوانها – لتعيش ضحيه يابو البنيه و غنى ايضا من نظم شاعرنا عبد الفتاح شلبى يا صنايعيه \ و غنى محمد عبد المطلب ياليالى منى من الحان محمد الكحلاوى\ وكانت الاغنيه الشهيره والتى تغنى بها عبد الحليم حافظ لحن بدلتى الزرقا من الحان عبد الحميد توفيق زكى \ و تغنى شفيق جلال يااسكندريه من الحان كامل احمد على ومن الحان محمود الشريف ياللى رماك الهوى اوعى تميل للهوى – لا تطب زى الهوى و لا تلاقيش الدوا ياللى رماك الهوى \ و غنت سعاد و عواطف مكاوى سد يابابا من الحان عطيه محمد \ وكتب شاعرنا للصناعه المصريه فى ديوانه ( اناشيدى) يكتب – روح شوف محمد رمضان حافظ – وشوف جهاده فى حب جهاده ف حب بلاده – اظرف مقابله و احلى ملافظ – تسمعها منه ومن اولاده = حلاوته واخده الجايزه الاولى – و صيتها لف الدنيا بحالها – اكمنها باسعار معقوله – ريحها خفيف على جيب اكالها = شارع فاروق فيه الفابريكه – احدث مصانع غارت منها – دى بورت انتاج امريكا – و الشرق كله اتكلم عنها = صاحبها لما تروح وتشوفه – ح ينسب الفضل لعماله – و تلاقى خيره سبق معروفه – عشان كده نجحت اعماله = و ايضا نظم لاهل الفن كلمات جميله وكتب عن ام كلثوم يا كوكب الشرق ياهديه من الهادى – يادره غاليه يااغلى كنز فى بلادى – يا غنوه حلوه بيتغنى بها الوادى – غنى يا ثومه دى كل الدنيا سامعاكى – ياللى ابتسامة الحياه من وجهك النادى \ و غنى من كلماته ابراهيم حموده طلع نصيبى كده من موسيقى احمد صبره وغناها فى فيلم فتاه السيرك \ و قدم الخفيف احمد غانم الشرق شرق من الحان عبد العزيز محمود \ و ايضا كتب كلمات جميله عن محمد عبد الوهاب فى موكب الفن راية الفن فى ايدك – يالحن خالد يامبدع ربنا يزيدك – يابلبل النيل يا ساحر فى اغاريدك – انت ملاك جيت لنا م الجنه يا محمد – لحن وغنى و سمعنا انا شيدك \ و كتب عن الموسيقار الكبير احمد صدقى مثال ورسام و صانع لحن ومغنى – وف كل دول عبقرى قرب يجننى – حققت يااحمد يا صدقى مطلبى وظنى – من يوم مالحنت ( يوم مولد رسول الله – مؤلفين مصر غاروا كلهم منى \ وكتب عن محمود الشريف الوحى ينزل لمحمود الشريف بسلام – يسلمه اللحن جاهز تعزفه الايام – اصله اتوعد بالهبه و الفن والالهام – لا خش معهد و لا خد درس من استاذ – محمود شريف ربنا اللى علمه الانغام \ و ايضا كتب عن الموسيقار على فراج من رقتك ياعلى ميلت ع البستان – صبحت ع الورد غنى اعذب الالحان – و قلت فل غنى الفل والريحان – و التمر حنه العجب من فنك اتعجب – تركت ايه فى الجنينه ينشده الكروان \ و بعد عمر طال الى 72 عاما توفاه الله ورحل عن عالمنا فى 27 يناير 1977 رحمه الله واسكنه فسيح جناته على ما قدم من روائع \ المؤرخ والباحث فى التراث الفنى وجيــــه نـــــدى wagihnada13@yahoo.com 01204653157 \ 01006802177

الأرشيف

الإحصائيات