لحنت اسمك بقلم خالد عبد الخالق امين

.


لحنت اسمك ع الاوتار
غنى معاة العود انغام
دا اللحن زود قلبى بنار
ورجعت تانى اعيش احلام
اجمل لحن عشت معاة
اجمل لحن سحرنى شجاة
اجمل اسم وترى نداة
خلانى ليكى اقول اشعار
واللحن خلى اشواقنا تزيد
وبدينا احلامنا بحلم بعيد
خدنا بهوانا وطرنا بعيد
وبدت عيونا تقول اسرار
واللحن حلاوتة مع الكلمات
ولاسمك نغمة مع النغمات
اسمعها ترن بقلبى اهاهات
وتخلى ليلى ف قلبى نهار
دى همس جوة الحانى
وكلمة بقولها بلسانى
وفكرة تملا اشعارى
بهدى لحنى ليكى شعار


كلمات / خالد عبد الخالق امين

الأرشيف

الإحصائيات