الامل بقلم خالد عبد الخالق امين

.

أحب أمشى ع الرصيـف
معايا حلمى شيك نظيــف
أحزان بتشغى جوة نفسى
وحروف مابتكملش أسمى
أحساس ساكنى غير أليــف
أفكار تعدى وذكريـات
على حب جى وحب فـات
وانس حى وانس مــات
أنا قلبي صافى رقيق رهيف
أمشى ف حالى وفسكات
لا ابص ولأعاكس بنـات
مع أنى بتمنى الحاجات
لكن ف نفسى شئ عفيــف
البنت واقفة ف التراس
عيونها لامعة وفيها ماس
ولا يعنى ولا اكتراث
صراحة أحب اعيش شريـف
اسمع صفير اسمع كلام
وارمي ولا يردوا السلام
شباب وتايه ف الزحام
مش لاقى حتى تمن رغيـف
ساعات ابص للسحاب
أحلام كتير أدمها باب
كانى عايش ف اغتراب
وأمد ايدى للكفيف
افرش واقعد لما أجوع
والبرد سوالى الضلوع
وعيونى ملياها الدموع
ع الدنيا عايش كانى ضيـف
متوضى دايما للصلاة
وبدعى ربى ف سماة
ينقذ بلادى م الى فيها
دة شعب حر دمة خفيف

كلمات / خالد عبد الخالق أمين
من ديوان أوراق مصرية

الأرشيف

الإحصائيات