فراق بقلم خالد عبد الخالق امين

.

أنت فاكرنى ؟
دنا فاكراك
ذكرى تعدى تمر كصورة
وذكرى بتفضل تستناك
أنا جيهان
لسة صورتى جوة فى قلبك
لسة بانى لى امالى ف دربك
ولا طوانى النسيان
ذى ما نت ماتغيرتش
نفس الصورة نفس الضحكة
نفس النظرة فيها حنان
عشرين سنة مروا كساعة
عشرين سنة مليانة شجاعة
أعود نفسي ع النسيان
كنت اتمنى اشبك ايدى ويا ذراعك
كنت اتمنى الدبلة تنور بيها صباعك
بس نصيب
شمس بتصحى وشمس تغيب
فاكر لما فتحت كتابى لقيت فية وردة
جوه سطورة جملة رقيقة واشعار شاردة
قلت انت أكيد
كنت رقيق
وكانت نظرة عينك فيها بريق
كنت غيور
وكنت فى لحظة تهب تثور
لما تشفنى وسط صحابك
بس شايل ف قلبك حب برئ
استنيتك سنة ورا سنة
اصبر نفسى هيرجع هنا
غبت كتير
غبت وسبت وراك احزان
حتى ساعتها صابنى جنان
اتجوزت واللى جنيتة
طفل ف بطنى
وطفل ف ايدى
وكلها سنة وهيجى حفيدى
وأنت أخبارك
لسة بتكتب فيا أشعارك
لسة بيشعل حبى ف نارك
ولا بقيت فى النسيان
اتجوزت وعشت حياتى

كل الدنيا فداها مراتى
حتى ذكرى اليمة فى قلبى
طواها النسيان

كلمات/ خالد عبد الخالق

الأرشيف

الإحصائيات