رسالة شهيد بقلم خالد عبد الخالق امين

.

شهيد الحجر
حكايتي يا امى هاقولهالك
مش ممكن تمر بخيالك
قتلونا ذبحونا
وداروا الحقيقة
عذبونا وهانونا ولاقوا طريقة
يحجبونا عن العيون
يزرعوا فينا الجنون
عرفناهم من بين ألوف من البشر
سالناهم قالوا دا حكم القدر
قدر مين اللى بالطفولة أمر ؟
تصبح عيونهم ف الصبا جمر
وحكم مين اللى حكم ؟
على أم بوليدها تنصدم
يا عيون يا بريئة
يا قلوب يا رقيقة
لاقوا طريقة وجبرونى ع السفر
ومشيت واحزانى ف فؤادى والخطوة بتنادى
وطال شرودى وسهادى والخطوة بتنادى
همست لى
صرخت وقالت لى
هجرت لية بلادك ؟
اللى فيها اتولد أبوك وأجدادك
لحظتها بركان ف قلبى انفجر
وجريت وكلى أيمان أحكى واز يع الخبر
اتكلمت قطعوا لى لسانى
بزراعى وشاورت
بتروا لى زراعى
بانفاسى وتنفست
كتموا لى انفاسى
لكن فضلت ذكراي من بعدى
تحكى وتواسى
كل البشر
اللى سلاحهم حجر
ف عصر كانت حروبة للقمر
أمنتك أمانة يا امى
رغم قلبك انفطر
وشوفتى حكايتي فى دمى
منثورة على القبر
تحكيها لحفيدك
عن ابنك وليدك
حكاية شهيد شهيد الحجر
كلمات / خالد عبد الخالق امين

الأرشيف

الإحصائيات