نداء البط بقلم خالد عبد الخالق امين

.


يابو الصديرى بخط
مرسوم على وسطك خط
ماشى ملعلع متغندر
وكانك واكل بط
يابو الصديرى كاروة
كل الكفار كرهوة
والكل شك ف اخوة
بقوا ذى الفار والقط
يابو الصديرى حرام
لاعروة ولا اكمام
م البرد جالنا زكام
فينا بننشال نتحط
برعر وموسى وحمدين
وابو حامد شال الطين
عمالين لى فيها معرضين
ماتخدهم دلت وكط
حقيقى تعابين وافاعى
مخالفة من غير داعى
لو ضربة بضهر دراعى
ترميهم ابعد شط
ابدا بصراحة وطيح
خليك واضح وصريح
لو تسكت تبقى جريح
ف شفيفك شد ومط
هتسبها هتبقى تكية
مرتع كل الحرامية
وهاتلبس عمة وجلبية
وهاتلعب تعاليلى يابط

كلمات/ خالد عبد الخالق امين
ديوان نداء البط تحت الطبع

الأرشيف

الإحصائيات