أنا الصواب شعر وليد الوصيف

.

أنا الصواب
--------------

الغرب في تقدم
ورقي وتحضر
والوطن في نزاع
والشعب في هطل
كلنا رجالة
فاهمين سياسة
والضعيف فينا
عامل بطل
أنا الصواب
حتى لو قولت
الأرض ناشفة
وقت المطر
مصدق نفسي
ومكذب غيري
رغم إني عارف
الخلاف خطر
مسكن ضميري
ورغم إني بغرق
والموج عالي
بعافر وبهطل
واللي كان صايم
شاف تورتايه
في عز الظهر
قام فطر
لا شاغله ثواب
ولا خاف من عقاب
وعينه ع التورتايه
ودمعه انفطر
النهب سلعة
ومش عارف بجد
من عامل حساب
الموت لو حضر
رغم العقل
لو شاف التراب
هيلاقي فيه
نهاية بشر
البنج حقنه
الشعب خدها
في الوريد
وفي العضل
عشان ينام
والغرب يكبر
ولما نصغر
نقول قدر

قصيدة من ديواني ذكرى يناير

الأرشيف

الإحصائيات