نزل الستار بقلم محمود عبدالحميد الحسيني‎

.
نزل الستار


نزل الستار و انتهي دلوقـتى دورك

انطفت كل الشموع و معـاها نــورك

نشفت دموع قلبي و وياها زهـــورك



الوقتي بس نزل الستار

والوقتي بس خلص النهار

و مــعدش فاضل غير قرار



الدور ده فنى ولا فنك ولا صنعي

كتبته عنى ولا عنك يوم بدمعي

ولا أنا اتعلمته منك غصب عنى



نزل الستار وباقي بس مشهد أخير

مش بس أنا بأعلن فراقي و باستدير

لأ د نا بأرمي عذابي وبامشي وحدي ع الحرير



نزل الستار و دورك الوقتى خلص

رائع تملي ظهورك ولا شئ نقص

إلا بس ف حضورك بيكى أحس



نزل الستار وانتهي الوقتي الكلام

نزل الستار و معدش فاضل غير سلام

سلام لقلبي اللي انخدع

و اللي راجع بالوجع ويا الالام



و الوقتى راجع بالف طعنه

و اللي شاف الحب لعنه

ولا عاد باقيله أي معني



نزل الستار ومعدش ف الحكاية فصل

انتهت كل الحكاية و معدش باقي ليها حل

نزل الستار وبارجع لوحدي ومعدش ذل


نزل الستار

الأرشيف

الإحصائيات