حاجه جديده بقلم : الشاعر حسام العقدة

.
حاجه جديده

أنا عايز حاجه جديده

حاجه تانيه

أبقى انا مش انا

وأضيع منى ف ثانيه

أنا عايز حد يجينى

أو فى التليفون يطلبنى

معرفهوش ...

أنا عايز أتجنن

وارجع واتجنن من تانى

اتكلم مع روحى ...

وكلامهم ما فهمهوش

أنا عايز اضحك من قلبى

وارجع اعيط من غلبى

محتاج لحاجات

بتجيلى فى بالى ساعات

غير اللى معايا ...

وافضل اقول ... وأعيد

ف كلامى اللى ما قلتوش

أنا عايز عمر جديد

على عمرى اللى ما عشتوش
ـــــــــــــــــــــــــــــــــــ
http://www.hossamelokdah.blogspot.com/

الأرشيف

الإحصائيات