ابنى اللى شال السلاح بقلم شمس الزيناتى

.
ابنى اللى شال السلاح
فى وش عدوى ليل صباح>>>>> ولا عمره نسينى ونام
علم شعوب الارض
يعنى ايه شرف وعرض
بدل فنون الحرب <<<<<<<<<<<<<ورسم بدمه السلام

ولادى دول اجدع رجال
لا عرفوا خوف ولا محال
وبيكم سمانى التاريخ بلد النضال

شمس القنال عنى ماتغيب
حضنى مفتوح لكل حبيب
وبيكم سمانى التاريخ بلد الغريب

وانتوا يا ولادى واحفادى
لازم تعرفوا الماضى
تمن شبر من ترابى<<<<<<<<<<< مكنش رخيص مكنش رخيص

التمن كان غالى
تعب سهر ليالى
كان دم الغالى>>>>>>>>>>>>>>> ابنى شهيد السويس
.
25يناير ده يوم النضال
عروس البحر ع شط القنال
اديها كانت متحنيه
بدم عدو الآنسانيه
كانت وقفه مستنيه .............أجمل وأغلى عريس
..................أبنى شهيد السويس..................

الأرشيف

الإحصائيات