صـارحـينى بقلم ياسر عرام

.
صـارحـينى

ليه احس انتي الوحيدة ..
اللي لو أحيا معاها ما أمل ..؟
ليه أغامر بالبساتين الكبيرة والعديدة
وأشتري وردة أمل ؟


إذا قصر الأمير من غير بستان
هل تسعد الأمير كثرة رصيده ؟

سؤال مبكي يحوي فـ بطنه أكوان
لكن بديهي للعقول البليدة

إلا على طاري النكد .. ليه الألوان ؟ ..
متشابهة في هالبلاد السعيدة ؟

هذي سجينه تحضن كفوف سجّان
وهذا ينافق لين ييبس وريده

من وين جيتينا ومن أية أزمان ؟
في لهجتك روح العصور البعيدة

يا عاشقة تمشي على راس بركان
هذي انتفاضة والا هذي قصيدة ؟

في زحمة الاجساد قد يولد إنسان
يحيي لنا الحلم القديم ويعيده

لا طال عمر الليل .. قولي الفجر حان
واستجمعي تفاؤلك يا عنيدة

مكتوب للكامل يجي فيه نقصان
ومكتوب للناقص زمانه يزيده

أحيان نتكبر على الحزن .. وأحيان
بكل أدب نمشي مع الحزن سيده

الأرشيف

الإحصائيات