ليه ؟ بقلم نجلاء سلامه

.

عنوان القصيدة : (ليه ؟)


ليه يا شبابنا خانقنا سكوت


بعد ما قلنا ح يعلا الصوت


بعد ما جبنا الحق وجبنا


أحلى نهار من بطن الحوت


ليه يا شباب؟








لما طلعنا الايد في الإيد


  مصر القلب وكنا وريد


كان طلبتنا وبالتحديد


إما الحق وإما الموت


ليه يا شباب؟








الدم الغالي اللي اتسال


والظلم اللي يهد جبال


عمره ما كانش كلام يتقال


ولا يسمح لأفاعي تفوت


ليه يا شباب؟








لما بشاير فجرنا هلت


شوفنا حدادي كتير بتقلد


بعد ما قالوا عيال بتنكت


سرقوا ربيعنا وقطفوا التوت


ليه يا شباب؟








اصحوا وبصوا كتير ع الباب


فيه مليون واحد كداب


جي يقول نعمل احزاب


نصاب قوي طمعان ف القوت


ليه يا شباب؟








إوعوا الشك يكون مركبنا


ألا الموج ييجي يغرقنا


إوعوا الليل يرجع يسرقنا


ويسلسلنا ف قلب بيوت


ليه يا شباب؟








اللي يحاول يسرق شوفنا


لجل ما يطلع على اكتافنا


يبقى اكيد ناوي يكتفنا


فوقوا ودوسوا عليه بالموت


قوموا يا شباب





الأرشيف

الإحصائيات