العشه فيس بوك ابراهيم بيومى محام بالنقض

.
""" العشه """فيس بوك .. العشه مكان فى بلدى مبنى بالبوص وسعف النخيل وهو مفتوح للكافه من ابراهيم بيومى المحامى في 07 مارس، 2011‏، الساعة 11:05 صباحاً‏‏
العشه فيس بوك

هى اداه للتواصل بس من غير كوابل

ليالى تجمع وايام تفرق على كل شكل

ولون تقابل



فيها الصغير والكبير والغنى ويا الفقير

فيهاالمثل لحرية التعبير

العشه بيت الامه العشه بيت الشعب

عشه فيس بوك احرار وثوار واصحاب

رأى وقرار



فيهامعارض وعاوزلرأئيه الانتصار

بس من غيرسرور ولا اسرار



فيها ابن البلد اللى على كلمته يغار

وفيها كمان واحد من الاشرار



بس ناقصه.......... القوارير الشطار



عشه فيس بوك...... اسهر وانسى

حماتى

ما هو ناس بتسكت وناس تهاتى

وناس عاوزه تبيع كلام وناس ذواتى

وفيه اللى بيقول انا بقضى ساعاتى



برلمان وبابه مفتوح ليلاتى من غير

دعايه ولا صندوق ولا حد يقطع

اعلاناتى

فيها المتعلم والمثقف والقراداتى



عشه فيس بوك لكل طيف اجتماعى

او سياسى

لكل من عاوز يقول من غير ما حديقوله

متوجعش راسى

ما هو كل اللى فيها اهلى وناسى

وكمان من غير كبير ولا وكيل انا كنت

ناسى

بس الأحترام فى التعبير وحفظ الأدب

شىء اساسى



العشه فيس بوك بناها اللى ملوش

فى الكراسى

ناس بتقوم وناس بتقعد وناس فى

عبد العليم تواسى

هى فين نارك ........ياراجل قطعت

انفاسى



العشه فيس بوك لمحمد واسماعيل

وغباشى



العشه فيس بوك للى رايح واللى

جاى واللى ماشى

ابراهيم بيومى
محام بالنقض للنشر فى قسم

الأرشيف

الإحصائيات